La partoprenantaj grupoj povos veni al Strasburgo kun tiom da anoj, kiom ili deziras. Tamen, estas verŝajne, ke entute nur el 35 anoj konsistos la "oficiala" Esperanto-delegacio, t.e. la grupo, kiu .

Ni povas distingi inter la partoprenantaro :
—  La Junajn Parlamentanojn (JP) : nur ili plene ĝuos la programerojn dum la Euroscola-tago — ili estos sume 35 el la diversaj Esperanto-grupoj ;
—  La Kromajn Junulojn (KJ) : en kazo se estas junuloj pliaj al la ĉi-supraj — estas tamen rekomendita plej malgranda nombro da 'KJ' ; kaj
—  La Akompanantajn Adoltojn (AA) : ili estas la grupresponsuloj, la lernejaj instruistoj.

Aĝo kaj ŝtataneco de la 'JP'

Por rajti partopreni, la unutagaj, junaj parlamentanoj estu :
—  jaraĝaj prefere inter 16 kaj 18 (almenaŭe, tiom aspektaj) : la Parlamento povos rifuzi la partoprenon de tro junaj aŭ maljunaj lernantoj ; kaj
—  el ŝtatoj membroj de Eŭropa Unio aŭ kandidatoj al ties membriĝo, aŭ eĉ el kelkaj ŝtatoj speciale ligitaj al Eŭropa Unio :

Lingvokapablo

Dum la ordinaraj Euroscola-tagoj estas ĝenerale uzitaj nur malmulte da lingvoj. En la ĉefdebatejo oni povas paroli nur 5 lingvojn, nome la anglan, la francan, la germanan, la italan kaj la hispanan ; sed nur en la anglan kaj la francan estas tradukataj ĉiuj parolaj intervenoj.

Tial, bone estus, ke almenaŭ kelkaj junuloj el ĉiu Esperanto-grupo regu almenaŭ unu el la ĉi-supre menciitaj lingvoj, tiel ke ili povu sufiĉe senpene komuniki kun la aliularo.

Ĉiu Esperanto-grupo alvenu je la nomo de la lernejo de la Esperanto-lernantoj. La lernantoj povas esti de la sama klaso aŭ de diversaj. Krome, povas esti unu aŭ kelkaj eksterlernejaj lernantoj, kiu eniĝas en la grupon.

Atentinde estas, ke lernejo ne rajtas iel partopreni duafoje al Euroscola (dum ia tempo post sia unua partopreno).