La Europunia Parlamento repagas parton de la transportaj kostoj al chiu grupo. La sumo de tiu chi repago estas kalkulita de ghi lau la kilometraro inter Strasburgo kaj la koncerna lerneja urbo. Atentu bone, ke ghi repagos entute nur por 35 homoj kadre de la delegacio.
          Kiel ekzemploj, sumoj repagitaj por unu homo en 2002 :
          Oostende (Belgio) 57,928 EUR ; Budapeshto (Hungario) 106,5504 EUR ; Zagrebo (Kroatio) 94,138 EUR.
          Tiuj chi sumoj ne estas automate samaj lau la jaroj.

Krome, la Parlamento transprenas al si la kostojn de la "junaj parlamentanoj" kaj la akompanantaj adoltoj dum la Euroscola-tago, nome por la maten- kaj tagmangho k.a. Atentu bone, ke tio chi neniel validas por la kromaj junuloj : ili povos cheesti la debatoj ene de la chefdebatejo, sed ne ghuos senpagajn manghojn.

Male, ghiaj elspezoj por gasto kaj restado de la partoprenantoj estas neniel repagotaj de la Parlamento : chio chi estas je la shargho de la partoprenantoj mem.

Por la du Euroscola-tagoj en 2002, chiuj Esperanto-grupoj povis loghi en la sama gastejo en Strasburgo, nome en CREPS. Tio ja ebligis pli bonan kaj interesan interdiskuton inter la grupoj. Tial, komuna gastejo estos necesa en nia agado.

Ni jhus menciis la gastejon CREPS : ghi estas gastejo specialigita por sportaj staghoj, kiu trovighas ene de Strasburgo mem (ch. 30 minutojn for de la parlamentejo, per tramo). Ghi ne estas tre multekosta kompare kun aliaj tieaj gastejoj. Krome, ghi entenas salonojn, en kiuj oni povas tauge kunsidi. Pro tio, ekz. ghi povus denove utili kiel oprtuna komuna gastejo en 2003. [Retejo]

Pli precizaj informoj pri la definitiva gastejo estos ghustatempe legeblaj pere de la retlisto.